Rayi chen , di dan l blan ….

 Pou kalite sitiyasyon nap viv jodiya, si sete nan tan lontan, nan lanne 1960 yo konsa, elit, klas moyen n, ak  jenès peyi an tap gentan mete tèt yo ansanm pou tanmen rezoud anpil nan  pwoblem yo 

Lespri sivik ak inkiyetid yo pou byennèt kolektif  la tap deja fè  yo mete sentiwon nan tay yo pou yo twoke  kòn ak vagabon kriminèl kap boulvèse popilasyon an, e se ak kout pye nan bouda yo tap choute dirijan san  vizyon kap gonfle pòch yo sou mizè  nou 

Se vre listwa epòk sa a site Che Guevara kòm ekzanp  men li pat ni poukont li ni sèl ekzamp ki te genyen ..bo lakay anpil jenn bay lavi yo  pou yon ideyal

 Nan sans saa li tap bon anpil pou nou kore (fondation devoir de memoire) ki pran djob poul kanpe  modèl moun  jenès jounen jodya ta dwe pran ekzanp sou yo 

 Moun ki te gen kolonn vètebral 

detèminasyon ak vizyon  jèn konpetan  epi chaje ak sans sivik …lè nou tande te gen santiye lumine, kontras e latriye 

se pat gwoup gang non yo te ye,  se sitwayen ki pat dakò ak jan peyi yo tap dirije ki mete ansanm pou chavire leta restavek ak ban n mafya kap bay  leta lòd yo …jodya 

jenès la pèdi boulon sant li, 

batay li se sou Facebook, twitter instagram ak whattsapp,

Kouraj li se dan pawol mizik rap ak raboday  nan kawash  nou tande  yo, tan pou lespri patriyotik  se sou kalite machinn blinde  oubyen chache viza ,  rezidans… 

jenès la  pa gen rèv , e genlè li soufri maladi jamè dodo.  E, Wi  mwen bay tèt mwen dwa pale de yo konsa, paske se pitit mwen yo ye , paske epòk pam mwen te  goumen pou yon ideyal  mwen peye konsekans yo sanm pa janm plenyen ..wi mwen gen dwa  chache souke konsyans yo  …a laj mwen, se pa sèten mwen gen fòs poum epole yon fizi  vwa poum ta tire koutpwen ..alos mwen dwe kontinye tann jèn fanm ousnon gason kap gonfle venn li, kanpe dwat pou li mache pran vagabon …

Map tann san mwen pakonen konbyen tan poum tann  pou jenès  la di ASE! SE TWÒP ATÒ!